政壇:政商定格:蓋茨絕密求職信公開

億萬富豪蓋茨(Bill Gates)成為大富翁前都曾經打過工,同普通人一樣要寫求職信,佢嘅要求究竟高唔高?

美國西雅圖一個電腦博物館公開咗微軟創辦人蓋茨當年嘅求職信,當時佢應徵一份年薪只有一萬五千美元嘅系統程式員工作。

從求職信中可見,當年仲係哈佛大學新生嘅蓋茨只有十八歲,表明返工地點冇所謂,老細話去邊就邊,仲話可以喺一九七四年嘅六月二十號返工,仲見到當年五呎十吋嘅蓋茨只得一百三十磅咋﹗

有媒體就計番當年今日嘅通脹率,年薪大約係依家嘅七萬六千美元左右,除番開月薪大約五萬蚊港紙,以仲讀緊書嚟講,絕對係高薪一族!

第一手消息請下載on.cc東方互動iPhone/iPad/Android/Windows Phone Apps

蓋茨十八歲時應徵一份系統程式員工作。