SUN驚奇：老工人毛巾笠口捱到病

「工人個個為口奔馳，又要顧及一家大細，邊有得揀！」黃炳賢因長期吸入石綿，近年證實患上肺塵埃沉着病。他慨嘆當年政府無安全教育，令他不知石綿為何物，「老細叫到，咪搵條毛巾笠住把口頂硬上！」

證患肺塵埃沉着病

「講嘢講到十五分鐘就開始喘氣，樓梯最多行到四層。」一九六三年入行的賢哥，前年參加建造業總工會的醫學監測計劃，去年證實患上肺塵埃沉着病。他指舊式村屋的瓦坑頂幾乎全是石綿瓦，以往水喉未有包膠，亦是以石綿繩「一捆捆咁墊實」，達到隔熱效果，因此早年工作常接觸石綿。

根據肺塵埃沉着病補償基金委員會統計資料，由一九八一年至今，確診患上肺塵埃沉着病的人數多達四千七百七十四人，去年有五十九宗新症。現時本港法例規定清拆石綿承建商必須註冊，賢哥不忘告誡，「希望老細同判頭對工人好啲，做足安全措施先開工！」