SUN搞作：Sun官場現形記：潛水金句王

香城有啲膠官，做人無擔戴，佢哋要嘅只係虛幻嘅安定，以保證自己薪高糧準。外面橫風橫雨、打晒仗，佢哋都可以闊佬懶理，或者你推我撞、搵人受死。今日李衞就入咗成日開嗰度門，偷聽到以下嘅對話……

翻桌：呢幾日天氣唔好，最適合玩浮潛！

司令：潛水唔緊要，最重要喺碼頭泊番岸。

翻桌：嗰面潮退呀！要潛遠啲先得！

司令：你點都要露一露面o架喇，唔通你想淋淨眼眉跳咩！

翻桌：中哥出咗去畀人圍，仲要係狗衝嗰隻呀！而且你都知有啲嘢我哋解決唔到……

司令：男兒大丈夫，位要坐定，人要淡定。

翻桌：呢個唔係位嘅問題，係好棘手，棘手在於，譬如話，角色嘅問題好複雜。

司令：你有語癌？

翻桌：我有位舊同袍去咗讀神學，佢話只要遇到唔識解決嘅問題，可以用金句處理。

司令：咁請你快啲面對群眾，佢哋同你講不見不散呀。

翻桌：咩話，一拍兩散？