政壇：政商定格：葛珮帆南韓考察掛住睇袋

女人果然係天生購物狂，去到邊都鍾意shopping，就算唔買都要睇下。前往南韓考察當地廢物回收措施嘅環境局同立法會環境事務委員會訪問團，尋日去咗當地一間著名二手商品店參觀，間商店係一間社企，叫做Beautiful Store，期間議員EQ葛珮帆對一個由當地設計師以廢棄男士西裝同皮具改造而成嘅手提電腦袋特別感興趣，攞上手又摸又度，但最後佢嫌個袋太男性化同太大個，自己又用開平板電腦，決定唔買。

尋日有「密探」同我哋爆料，話毛孟靜開會時嫌悶，竟然喺度摺紙鶴，臨走仲將隻紙鶴留喺枱面添，佢咁唔尊重個會議，認真失禮人。