政壇:政商定格:零售女王心情靚爆置新裝

尋日係公眾假期,喺中環置地廣場見到「零售女王」、香港零售管理協會主席Caroline麥瑞琼,一個箭步入咗去間法國名店試衫,店員一見貴客光臨,紛紛上前大獻殷勤,仲同佢傾偈傾到搭晒膊頭,好明顯佢係呢度嘅熟客。

Caroline喺店內逗留咗大半個鐘,當佢試緊件天藍色恤衫嘅時候,店員又拎咗對紅色休閒鞋畀佢試着。佢試過覺得幾滿意,於是就咁着住對新鞋喺店內慢慢揀,望完衫又睇手袋。最後佢扑錘買咗兩件衫、一對鞋。

記者上前同麥瑞琼打招呼,見佢兩手空空,原來佢話啲衫唔係太啱身,要改過尺寸先至拎得喎。佢透露啱啱去完越南傾家族生意,前日先返港,所以趁空檔添置新裝。

第一手消息請下載on.cc東方互動iPhone/iPad/Android/Windows Phone Apps

麥瑞琼坐喺梳化準備畀錢,店員主動踎低陪佢傾偈。