次世代生活圈：地上寶 覓知音

攤出心思會知己，一群手作青年當上地攤特工隊，將自己心頭好，化成地上寶。放棄華麗布置、精緻包裝，他們只追尋原始味道，渴望與人交流。地上簡單一塊布，幻化成廣闊平台，讓件件心中所好，連繫上位位知音。

Spider與Ryan各自拖篋衝入旺角街頭。開篋、揚布，鋪製品，拿摺櫈，回身坐下，起檔成功，過程十五分鐘，動作乾淨利落，恍如特工隊。皆因他們攤齡已有大半年，去年萬聖節起，一星期擺檔兩、三天，如今已成地攤老手。

同為手作人，當初只是於萬聖節一時興起，街頭擺賣自己作品，怎料一擺上癮，變成每周例行活動。仍是大學生的Ryan說：「喺街，你可以同唔同人面對面交流。」作品置於地上，路人蹲下挑選，身段放下，彼此感覺更親近。讀設計出身的Spider補充：「啲唔識你嘅人都會同你講加油，真係好窩心。」

內地興劈價 港尊重創意

手鏈、布袋仔這類小飾物，拿起工具箱，即改即試，他們說街頭甚麼人都有，愛好不同，可令自己進步。Ryan笑說：「有次整啲五顏六色，好可愛嘅飾物，一心畀細路仔用，偏偏吸引中年大嬸。」他表示有不少人提出好建議，他展示其中一個手提包，背帶的設計就是路人建議改良的。

試過到內地的步行街擺檔，Spider更發現兩者對待地攤文化有「大差異」，「內地人成日以為擺地攤賣嘅都係啲平價貨，淨係用物料成本價錢去衡量，劈價往往劈平一半以上，根本做唔到，反而香港會尊重創意同擺地攤嘅人。」

儘管這些日子，有時要日曬雨淋，又要霸位，又被商戶驅趕，他們仍選擇留下，她說：「外國都唔係好多地方有得擺，反而香港有呢個空間，真係好難得，所以都會好好珍惜。」地上寶，不論買抑或賣，當中樂趣都是問天問地都攞唔到。