SUN搞作：推到上報：兩仔爺唔使吓吓講死

香港近排一片愁雲慘霧，好似早排發生咗唔少倫常慘案，尤其係嗰單子弒父母一事最為轟動。其實仲有唔少青少年對父母心懷怨恨，好似下圖主角咁，竟然話如果老竇死咗會好開心，又用粗口嚟形容自己老竇，仲揚言唔係你死就係我亡，嗰股怨氣重到真係嚇死人。

但細心啲睇番主角對自己老竇有咩不滿，原來只係無得打機、打電話，同夜晚要搭車返屋企嘅小事。老竇叫佢咁做，都不過係為佢好，所以，佢真係有需要用到咁暴戾嘅言詞咩？如果有不滿，咪平心靜氣，坐低飲啖茶、食個包，慢慢拆掂佢囉，當然老竇為人長輩，亦唔可自恃高高在上，完全唔聽子女嘅訴求，執意為之，當悲劇發生咗，後悔就太遲喇！