有啲嘢唔係愈擺愈醇嘅，絕版二十年嘅汽水你飲過未？美國網絡紅人「洛杉磯怪獸(L.A. BEAST)」早前喺eBay用八十蚊美金買咗一樽九三年推出嘅絕版汽水，仲成支隊晒添。最搞笑係，飲完幾分鐘，佢個口好似噴泉咁成支嘔番出嚟，仲激過玩萬樂珠加汽水。咁嘅壯舉，難怪有二百二十萬次點擊啦！用八十蚊美金就可提升人氣，抵到爛吖！
