政壇：政商定格：藍凌志坐正做中電一哥

中電自二月底公布業績後，除主席米高嘉道理幾乎日日增持股份外，尋日仲有一單惹起唔少聯想嘅人事調動，做咗總裁兼首席執行官超過十三年嘅包立賢辭去上述職務，由藍凌志接替。包立賢會加入中電最大股東嘉道理家族嘅私人公司，嘉道理父子有限公司工作，亦會留任中電非執董。

藍凌志係早兩年中電加價事件嘅領軍，當時仲引起市民不滿，最後更要由已退居幕後嘅副主席阮蘇少湄宣布降低加幅以平息民憤。但藍生當年係因家事而離港，並唔係臨陣退縮嘅。

其實藍生嘅資歷毋庸置疑，佢喺九二年加入中電，一○年升做中華電力嘅總裁，喺電力行業已有三十年經驗，澳洲、英國同香港嘅業務都有負責，所以呢次人事調動都證明咗中電對佢嘅肯定同信心！