SUN搞作：Sun官場現形記：香港特色權利觀

最近香城中人為普選暗中角力，多方陳述理據，有時都聽到李衞一頭霧水。見到一個二個義正辭嚴，好似唇槍舌劍，實際上又廢話連篇，李衞真係聽都忟，精神錯亂，唔知佢哋講乜，只好將其理據結集下來，誰是誰非，看官自行定奪。

作者：李衞

小偷：有財產權，唔等於你有權保障財產。

審判長：有公平審訊，唔等於你有得審訊。

拆遷隊：依法收地，唔等於依法賠償。

淨心bb：有國寶打鬥，唔等於被打嘅係人。

一鑊：反歧視要立法，唔等於要由我搞。

建掣：次次撳支持掣，唔等於唔同政府砌。

淫黎：有新聞自由，唔等於無「創作」自由。

當奴：無曾蔭權，唔等於你有得生存。

權威：有選舉權，唔等於你有被選舉權。

李衞：有人權，唔等於當你係人！