政壇：政商定格：田二少懷念同哥哥鋤弟

尋日係哥哥張國榮逝世十周年，唔少網民都喺網上懷念一代巨星，連新民黨副主席田北辰都有嘢要分享。田二少尋日係facebook自爆早年喺加拿大溫哥華住時，經朋友介紹下認識哥哥同哥哥至愛「唐唐」唐鶴德兩位靚仔（靚仔係田二少嘅用語），咁啱佢哋嘅屋企只相隔四十五分鐘車程，閒時就會互訪打麻將同鋤大弟。

二少話雖然哥哥呢個「鋤弟腳」離開咗佢十年，但哥哥嘅歌聲、風采，仍然令人神往，而佢最懷念哥哥平易近人嘅一面，更懷念大家一齊「鋤大弟」嘅美好時光。相信大家都好想知道，究竟同哥哥「鋤弟」係點嘅呢？而呢段「鋤弟」時光有幾美好呢？好可惜，二少冇再分享落去。