SUN世代：兩個男人「拍」出火花

畫喱士、做罩杯、弄胸墊，除了是Joe的強項，也難不倒他的最佳拍檔Ben Hui。Ben是品牌首席設計師，曾於著名內衣連鎖店擔任設計師，感激遇上Joe這名「伯樂」。「好難得遇到賞識自己嘅人，能夠長期合作，一直保持亦師亦友嘅關係更難。」面對「伯樂」，他既感激又感壓力：「對方畀機會，將每季『重頭戲』（內衣系列）交畀我做，做唔好，又點對得住公司同埋一班同事？」

Ben重視內衣的獨特性，故常以男性角度，幻想自己的伴侶怎樣穿才好看，進而設計能魅惑男性的內衣。不過，老老實實，兩位大男人做內衣，曾否被當作猥瑣佬？Ben認真地說：「暫時冇！做試身，我接受過正統訓練，亦得到模特兒的信任。」反而Joe卻有慘痛經歷，他無奈地說：「我有散光，試過哄埋個Model度睇尺碼啱唔啱，點知畀對方鬧我：『你做乜呀？』以為我係鹹濕佬！」幸好，他有一位成熟、明白事理的太太，從未為他艷福不淺而呷醋：「佢百分百信任我！因為……佢知我依家冇對住模特兒，只係對住隻膠公仔做胸圍。」