政壇：許仕仁愛駒易主後連捷

沙田馬場尋日舉行中文大學校友會聯會盃，結果由團體馬「各適其適」以大熱姿態奪魁，呢隻靚駒今季已連續第三次跑出。原來「各適其適」前馬主，正是去年牽涉貪案嘅前政務司司長「肥龍」許仕仁，當時從未捧過盃，後來馬匹轉手後卻頻頻勝出，唔通匹馬行運同易主有關？

由前年開始，肥龍忽然宣布辭任上市公司執董，又忍痛將愛駒賣出。直至去年三月爆出佢涉收取新鴻基地產厚禮貪污而被捕，佢亦因此絕迹馬場及公開活動。「各適其適」易主之後，竟然如有神助屢獲佳績。