SUN世代：美滿姻緣始於gym房

「做gym唔會即時變大隻，一定要持之以恆，無不勞而穫。」熱愛運動的Willy，即使工作再忙碌，仍堅持一星期做三次健身。這個習慣十八年來，風雨不改，就算去旅行亦做運動。健身多年，他深明一分耕耘一分收穫的道理，成就了成功事業，但原來這個健康習慣，也為他牽起了紅線。

Willy與命中註定的那個她，相識於健身室，「我無諗過要識佢，但見佢幾合眼緣，就同咗我朋友講。」豈料朋友竟上前搭訕，更用上了史上最老套的開場白，「妳個姿勢錯咗，不如叫我朋友教你」，「橋」從來都不怕舊，Willy最後抱得美人歸。

兩夫婦雖性格大大不同，卻能甜甜蜜蜜地相處，「我哋性格一動一靜完全相反，但唔會話唔夾，反而互相體諒，就算我好忙無時間陪佢，佢都無怨言。」在他的辦公室內，擺了兩幅他們各自畫的畫，他操刀的那幅，畫了太太喜歡的阿拉丁燈神，幸福之情不言而喻。