阿保一族：綠色企業家

【記者陳潤南報道】如果環保是一粒種子，似乎很難在香港這個商業城市中茁壯成長。兩間環保社企提倡綠色消費，專售有機蔬菜及素食食材，令大眾更易實踐環保生活。這班另類「企業家」各出奇謀，希望在水泥地上種出綠色鮮花。

阿民是環保社企「土作坊」的領導人。該店以街坊生意為主，店內感覺親切，阿民亦如店中沾泥的新鮮有機菜一樣，豪爽直率，自然不做作。在他的店裏，大部分家具和器皿都是回收所得，既環保又可節省開支：「好似裝呢隻山茶油嘅樽，全部都係喺附近飯店回收嘅啤酒樽！」

為確保農作物質素，阿民特別注重與農夫建立互信。他對店內每一種農作物的農戶相當熟悉，交易過程亦經過良心企業參與。他甚至對食品的稱呼亦有堅持，「呢度賣嘅叫『農作物』，唔單止係『商品』，唔係淨係用嚟賺錢！」目前該店為逃避貴租，已遷至灣仔小巷，阿民指店舖○七年起開設，去年已達收支平衡，期望與更多綠色團體合作。

推廣素食 減低污染

「次次推介素食，啲人都問食材邊度買o架？」阿孔和Teresa遂在○五年開設素食食材專門店「Club O」，以社企形式經營，推廣素食以減少畜牧業造成的污染，亦鼓勵人少殺生。Teresa表示，店舖主張薄利多銷，一方面可惠受顧客，另一方面可確保存貨新鮮。她對店內所有食材都非常了解，由產地至煮法都瞭如指掌。最近更有內地豪客青睞，甚至有水貨客大批掃貨，「我勸佢唔好買太多，健康食品最緊要係識唔識食！」

阿孔認為管理店舖最重要是帳目清楚；店內不時有義工幫手，讓他們可學習更多素食知識。目前有機食材店已經有盈餘，誰說水泥地不可種出花？