烽火台：不論如何也加價

話說某茶餐廳內，兩個睇完法國電影的中產飲住咖啡討論私營醫療。

中產A：食衞局局長說，最近私家醫院調高收費，相信是受當局叫停雙非孕婦影響。

中產B：這就奇怪了，當年雙非孕婦源源不絕，我明明記得私家醫院也在加價喎。

中產A：根據這個邏輯，即是有雙非孕婦生意時，私家醫院要加價回應市場需求增長，沒有雙非孕婦時，他們又要加價彌補損失，不管怎樣，私家醫院都要加價賺到盡咯。

中產B：不消說，在商言商，私家醫院專門服侍豪客，人家畀得起，自然要賺到盡。要怪就怪你自己徒有中產之虛名，卻無年薪四百萬之收入，有咩冬瓜豆腐頭暈身慶，咪乖乖哋去公立醫院輪急症咯。

中產A：講就簡單咯，家陣公立醫院十個煲配七個蓋，小弟還要去百上加斤乎？港府一邊鼓勵大家盡量幫襯私家醫院，一邊又對私院無監無管，這不是玩中產嗎？可嬲也，我要去平機會投訴！

中產B：投訴甚麼？

中產A：投訴醫療當局對中產不公咯。

中產B聽後噗嗤一笑，噴出幾滴咖啡：投訴？你知唔知平機會主席係邊位？正正係醫療亂象嘅罪魁禍首周一鑊啊！糊塗官有賞無罰，人世間從沒公平，慳番啖氣罷啦你。