十年前頑抗沙士 同事中招最難受

【本報訊】○三年三月六日，瑪嘉烈醫院接收了一名來自越南的肺炎病人，一星期內急劇惡化死亡，任何藥物也無效，他就是在京華國際酒店感染沙士的首批源頭病人之一。當時仍是前線內科醫生的曾德賢指，大家對患者感染甚麼疾病全無頭緒，「我哋入去睇個病人時，淨係戴住個N95口罩，根本無諗過係咁嚴重。」直至數日後沙田威爾斯親王醫院8A病房醫護集體染疫，眾人才知大事不妙。

三月底時，沙士已肆虐全城，港府及醫院管理局決定由瑪嘉烈醫院擔當「沙士醫院」，負責接收「一千名患者」。沙士爆發後，全院逾六十名醫護染病，深切治療部有二十五人中招。目睹同事變成病人令他最難受，「有一次行入ICU，有個相熟嘅同事聞住好高濃度氧氣都無咩起色，我捉住佢隻手叫佢加油，但嗰陣瞓喺佢對面另一位同事，已昏迷咗要插喉。」可幸瑪嘉烈最終沒有醫護人員殉職。