SUN驚奇：細察質料車線 辨真假話咁易

內地貨扮韓貨幾可亂真，要分辨衣服是「正宗韓貨」，抑或是「內地製韓貨」；專家教路，只要細看質料及衣服車縫方法，就能分辨誰真誰假。

專辦南韓採購團課程的導師周Sir指，「正宗韓貨」分兩種，第一種是由南韓負責服裝設計及品質監控，部分會在內地大型生產廠生產，然後於台灣及內地出售，這類韓產衣物在品質上較有保障。另一種是由南韓設計，交由內地中小型廠商生產，惟部分廠商偷偷將沒有掛牌，或已被剪牌的服裝保留，再流入市面。

至於「內地製韓貨」則是抄襲南韓時裝雜誌，在內地製造，並流入廣州十三行路或白馬等批發市場，「內地製韓貨」品質較為差劣，又稱為「陸貨」。

要分辨「韓貨」與「陸貨」，周Sir教路：「韓貨會收得乾乾淨淨，甚至睇唔到車口，但陸貨就收到歪嚟歪斜，仲會有跳針，車口同車線唔會係直線。」此外，「韓貨」質料較「陸貨」好︰「陸貨嘅品質粗糙啲，韓貨就手感好啲、滑啲，一摸上手就知。」