政壇：政商定格：蔡思聰樂做大銀幕老臨

證券商協會前主席蔡思聰，行內人都知佢係股壇老行尊蔡陳葆心個仔，鮮為人知嘅原來佢係詠春高手，跟咗冼國林師傅學習詠春有成十年咁耐，最近佢仲進軍埋「大銀幕」，貪得意同其他金融界朋友喺冼國林監製嘅新片玩吓。

笑說導演雖然話冇cut呢場戲，但老婆睇電影畫頭時，喺呢幕戲中點都搵唔番老公！嗰場戲主要係講打擂台，佢「飾演」負責擂台敲鐘同收錢嘅「老臨」。佢話自己連「大茄」都唔係，應該係「細茄」。

雖然佢出鏡只得「歷史性」 幾秒，但為拍呢場，都用咗十二粒鐘。