政壇：政商定格：陳啟豪細數當舖古怪事

唔好以為典當業務過晒時，睇過靄華押業嘅招股書，知道呢個都係大茶飯，同佢哋主席兼行政總裁陳啟豪傾開，仲聽到唔少古靈精怪嘅古仔。

現今世代，通常啲人會拎乜嘢去典當？最普遍嘅黃金、鑽石就不在話下，最盞鬼就係曾有人話想當咗張按摩椅喎，當然最終都deal唔到喇！

咁通常當到幾多錢？陳啟豪話好闊o架，最平做過四十蚊生意，最貴就收過二百萬元嘅名錶，都咪話唔犀利！不過做過咁多交易，佢話唔記得四十蚊嗰單生意，究竟當咗啲乜？

靄華係第一隻本土當舖股，聽陳啟豪講特登揀「1319」呢個股票冧巴，因讀音似「一生足夠」，咁有意思！咁又係，話晒做呢行，最緊要就係財源滾滾啦。