SUN世代：兒子用低智能電話免寵壞

「依家太多新科技產品，如果你一樣都唔畀佢哋，慘過殺咗佢哋！」羅程剛提到兩名分別十三歲及十歲的兒子，即滔滔不絕談湊仔經。他出身草根家庭，成長期沒有物質生活可言，對着愛兒，他同樣認為不能溺愛：「同學大部分都係用智能手機，但佢哋仍用緊『低智能電話』。我會同佢哋講明要讀書成績好，先會有新電話，但都唔會買最貴最新款，可能係用我嘅舊機。」

雖然從不縱容兒子，但不代表他是「操控型」。兒子的前途，他認為要順其自然：「只要唔好行差踏錯就得，我唔使佢一定要學我讀法律，因為依家流行嘅職業，難保二十年後都仲搵到錢，所以我永遠唔會set（設定）框框畀佢哋，由他們自由去追求想行嘅路。」