SUN搞作:智弱網聞:給十蚊就不要封了

新年流流封利是本嚟就只係為咗討個意頭,大家開開心心恭喜吓你個發財就算o架嘞,點不知竟然有港女嫌自己媽媽新年得閒無嘢做,係都要我哋打攪伯母先開心,真係,何必呢。

是咁的,呢位Janice小姐,喺fb度po咗一封十蚊嘅利是,仲話要咀咒封十蚊畀佢嘅巴/絲打下世做十蚊紙喎!雖然話,喺呢個做狗好過做人,六道輪迴亂晒坑嘅亂世,做一張十蚊紙可能幾幸福,不過畀錢你使仲要咁樣受你氣,真係,咁都忍得,屎都食得。

嗱,小編再搜尋呢位港女嘅fb嗰時,發現佢已經潛咗水。至於個個六呎高,可以單手隻揪鯊魚嘅鍵盤戰士有無能力搵到佢,就不得而知嘞。小編只係想喺度祝福呢位港女,希望你呢世都有利是收,唔使派啦!^^真的!我很誠實。

第一手消息請下載on.cc東方互動iPhone/iPad/Android/Windows Phone Apps