SUN搞作：智弱網聞：跑手的威水「屎」

跑步，特別係長跑，絕對係意志力嘅考驗。喺跑嘅過程中，可能會遇上好多你估都估唔到嘅事。抽筋、受傷、唔夠氣……甚至……失禁。就好似悟空所講，隨時一個翻身跳上半空，痾篤屎落你個頭度。嗱，可能你會覺得小編低級趣味專玩屎尿屁，又可能你會覺得小編刻薄笑人。其實係，小編真係好欣賞呢位跑手。受傷抽筋你退出，無人會怪你，如果你堅持，重有好多人支持你。之但係，如果你係「身有屎」嘅，中途退出，預咗畀人笑到2046，就算你堅持，都一樣要畀人笑到衝線。

即使係咁，呢位跑手依然憑佢徹底的勇氣跑落去，實在令人欽佩。

嗱，小編就覺得，做咩都好，大家都應該學習呢位跑手，直情當自己係一粒精子。喂，你唔跑？後面嗰粒就嚟快過你啦！生死攸關，咬牙跑啦兄弟！