政壇：政商定格：董吳玲玲寧買翡翠唔買樓

政府向樓市頻出辣招，有心投資「磚頭」嘅名人投資者都想睇定啲，人稱「翡翠皇后」嘅前仁濟主席董吳玲玲，就寧願買翡翠都唔會買樓。

董太匹愛駒「翡翠明星」尋日以大熱姿態出戰第一場，最後跑第三，袋八萬元獎金。新正頭開齋發財，董太話心滿意足。講番樓市去向，董太認為降溫係好事：「商舖、住宅炒到癲晒，想喺中環搵間快餐店食飯都難。」係咪掃得貨？董太就擰頭，佢話年內都唔會貿然入市，有閒錢，寧願買優質翡翠，因為貨源稀少，好似佢手上嗰隻價值兩百萬元，有錢都未必買到。