政壇：政商定格：鄭詩韻犯太歲抱恙過年

農曆年期間係流感高峰期，好多市民都中招，名媛鄭詩韻前晚出席活動時，透露自己患病，要留喺屋企過年。佢話：「大仔傳染咗畀細仔，我都發咗四日燒。」佢又話：「唔可以唔信邪！我同大仔屬虎，今年犯太歲。」問到可有同老公度過浪漫情人節？佢話當日睇咗套電影，之後放咗老公去日本滑雪。佢笑言同老公已經係老夫老妻，佢希望留多啲時間照顧囝囝，而下星期大仔生日，佢會帶囝囝去主題公園遊玩。