City Parade：滿堂紅
蛇年賀歲馬，大年初三喺沙田馬場舉行。城中名人爭住入場大發新年財，為了催旺運勢各師各法，有人着紅衫，有人打紅呔，亦有人拎紅袋。今年入場人數爆晒燈，馬迷「水頭充足」，落注絕不手軟，埋單計數，投注金額高達十五億元，創二十年新高。
有驚無險
前港姐寇鴻萍（中）去北海道滑雪遇地震，一度令老公梁廷鏘（左）及囡囡唐貝詩（右）心慌慌。
馬運亨通
賀歲馬投注額高達十五億元，丁財兩旺。
親臨打氣
前仁濟主席李文斌專登入場為家族旗下愛駒打氣。
留港度歲
名媛陳曾麗娜（左）腰痛剛愈不便遠行，寧願同老公留港過新年。
充電之旅
太子珠寶鐘錶執董朱繼陶太太朱鄧麗萍（圖）遊澳門小休幾天，變得容光煥發。
旺夫靚太
鎮金店主席及行政總裁鄧鉅明（左）讚太太鄧宣宏雁好旺佢，開鐘錶店以外，又進軍埋金飾生意。
入場發財
百仁基金主席李文俊（左）初三同太太入馬場大發新年財。
龍精虎猛
快將升呢做保良局主席嘅鄭錦鐘（右），新年同太太去觀瀾湖打波，夠晒健康。