醫知健：淘大居民互相關心更團結

【專案組報道】十年後重臨當日沙士重災區，眼前的淘大花園與當日比較已不可同日而語，外牆髹上新的顏色、電梯大堂重新裝修，U形水管早已更換。驟眼看來，陰影早已煙消雲散，「希望環境唔同咗，大家可以慢慢忘記當日嘅痛，重新出發。」觀塘區（淘大）區議員兼淘大花園業主委員會聯會主席葉興國淡然道。

學懂珍惜身邊人

葉興國是多年淘大花園居民，對○三年沙士爆發，感受至深，「三月廿六號，收到政府電話，話淘大有六個人懷疑染咗沙士入院。之後嗰幾日，入院人數幾何級上升！」為了專心打硬仗，他請兩星期大假與一眾淘大居民共同進退，「當日無人敢嚟淘大做清潔，我就同幾個熱心居民頂硬上清潔！」

不經不覺已十年，回首當日夢魘，葉興國感觸良多，「身邊嘅朋友、鄰居，早幾日仲同你飲茶去旅行，突然之間就走咗。自此之後，學識珍惜身邊人，明白好多嘢唔係必然。」或許值得慶幸的，是共患難後，居民變得更團結，更懂得關心對方，「以前大家自己顧自己，但沙士之後，學識互相關心。」

已退休的淘大花園E座居民陳先生表示「當時每朝都要探熱，一有燒就要畀人帶走。我哋每朝係咁飲水，確保無發燒。因為大家都知道，畀人帶走咗，無論有冇感染沙士，都只有死路一條。」這段經歷，令陳先生在十年後的今天仍保留沙士印記，沙士去了，但忘不了。