政壇：江碧蕙法國過新年

香港首位華人女騎師Sherie江碧蕙婚後隨法籍騎師老公李格力四處居住，先後有澳門同新加坡等，最終落腳地返回法國。究竟喺法國過嘅中國農曆新年係點嘅呢？Sherie不加思索地拋低一句：「冇乜特別！只係會打電話返香港同媽咪、阿姨拜年！」

問到難忘嘅新年時，佢坦言要講到大仔Samuel（李國銘）嘅出生，事關大仔喺香港出世，當年個個都爭住畀利是佢，就算見唔到大仔，都會留畀佢，而大仔個百日宴，連名牌公司都有份贊助，而細仔Anthony（李國寶）喺巴黎出世，就冇哥哥咁好待遇嘞！