捱青年摑 抗日老兵︰我郁手佢即死

【本報訊】一名曾經歷八年抗戰的八旬老翁，昨晨於秀茂坪順利邨獨自落街買報紙期間，因步履蹣跚，被一名「80後」男子破口大罵「阻住晒」，老翁發火教訓對方，糾纏中他被遭對方連環掌摑，兇徒逃之夭夭。老翁送院時更憤指：「如果我有郁手，佢一拳畀我打死咗啦！」

遇襲老翁姓許（八十五歲），送院時自稱為抗日英雄，並一臉自豪地展示其掛於左胸襟前的紀念章，大談「威水史」，惟許現時需持柺杖輔助步行，而昨日由於未有持柺杖便外出，故腳步更顯緩慢。昨晨九時許，許翁獨自到秀茂坪順利邨內一間店舖購買報紙時，身後一名約三十歲男子疑嫌他走得慢，爆粗大罵他，許一手捉住對方上衣，混亂中對方揮右手掌摑許耳光數下，許左臉被打至紅腫，更感頭暈，兇徒逃去，許翁報警。救護車將許翁送院，他落白車時說：「日本仔都打我唔死，你（逞兇者）打我？」警方正追緝身穿啡色上衣的男子歸案。