政壇：政商定格：愛女陪馮康秘密練長跑

年初三喺半山寶雲徑遇到醫院管理局新界東聯網總監馮康醫生，同囡囡Elizabeth馮海容結伴跑步，原來佢哋為嚟緊周日醫管局舉辦嘅新春長跑秘密練兵。

當日見馮康健步如飛，同囡囡話咁快就跑完四公里路程，佢哋話平時最少練跑八公里，但由於臨近比賽，所以要留力。馮康憶述，當年感染沙士病症初愈後出院翌日，已經急不及待到寶雲徑練跑鍛煉體格，可惜跑三公里就已經氣促，幸得家人支持，而囡囡亦經常陪佢跑步鍛煉，最終○四年成功完成全馬路程。

囡囡Elizabeth就大讚爸爸精力十足，笑言由細到大，只有爸爸出院後復跑嗰次，先有機會跑得快過爸爸喎！世紀沙士疫症發生至今眨眼已十年，當年曾感染沙士病症嘅馮康就感慨話，患病時好需要家人支持。