政壇：鄧家彪做區議員似收數佬

本身係離島區議員嘅Bill鄧家彪，升呢做咗立法會勞工界議員，佢話區會同立會工作性質大同小異，但兩者做個案嘅態度就有好大分別，前者可以好似收數佬咁用啲較為「爛仔」嘅招數完成地區個案。佢透露，以前做區議員時，試過幫居民寫信去財務公司問點解要還咁多錢，又試過幫地盤工人追收欠薪血汗錢。

阿Bill趁住放農曆新年假期同老婆帶埋三歲嘅囡囡鄧澄去東涌行山行大運。佢話幫囡囡改單字名純粹因為有型，話去除部首就係疊字「登登」，仲話如果遲啲發現五行唔啱會再改過喎。雖然行去大澳段山路都幾斜幾難行，但行足兩粒鐘嘅澄澄都冇扭計要人抱，仲非常精靈咁扮鬼瞼氹爸爸笑。