政壇：政商定格：范國威金油揮春愈寫愈High

好多政團都喺年宵攤位開檔寫揮春，新民主同盟都唔例外，部分揮春仲用金油寫成，市民收到金光閃閃嘅揮春固然興奮，但寫嘅人亦會愈寫愈High，事關不斷吸入金油嘅天拿水味，搞到佢哋嘅立法會議員Gary范國威吸到High High哋。

Gary話由於金油要用天拿水開稀，所以寫手一般索咗一個鐘頭後就會好興奮，每寫一段時間就要休息，呼吸吓新鮮空氣，清醒頭腦。但聽佢講，新同盟唔少成員都有紮實嘅「區佬底」，寫揮春經驗非常豐富，仲會開班授徒，靚字之人輩出，呢個休息咪其他人頂上囉。不過，字靚就話可以閃足一年啫，如果寫得唔靚嘅，都係無謂冒索天拿水嘅風險用金油喇！