政壇：政商定格：黃思詩義助貧困自閉童

溫州同鄉會青委常務委員Cece黃思詩取得美國言語治療師專業資格，早前喺尖沙咀開設康復顧問中心，專注幫助自閉兒童，仲籌謀為貧困家庭嘅自閉兒童伸出援手，愛心十足。

由美國來港定居未夠兩年嘅Cece，單身嚟香港打天下毫無懼色，原來佢即將做新娘子，男友係浙江省同鄉會聯合會（浙聯會）青委成員蔡相理，即係浙聯會副會長兼偉光鑽石老闆蔡俊遠嘅仔。

Cece話受到互聯網同智能手機影響，香港小朋友社交能力普遍下降，自閉個案亦愈來愈多，可惜普遍家長認知不足，往往錯失治療嘅最佳時機。為咗幫助低收入家庭及時求醫，佢正與有關機構商討，合作為貧童伸出援手。