政壇：鄉議局倒轉掛區旗

香港回歸已經十五年，但掛錯國旗、區旗嘅事件依然經常發生，呢幾日又有一單，但竟然發生喺自稱「愛國愛港」新界鄉議局。尋日有讀者報料，發現沙田石門鄉議局大樓外嘅區旗倒轉咗嚟掛，旗上嘅洋紫荊花瓣尖由順時針方向變成逆時針方向，我哋尋日再到現場視察，區旗掛法依然未更正，睇嚟局方掛錯旗都有好多日，先有人睇唔過眼報料。

我哋尋日問過鄉議局有關人士，佢話唔清楚係邊個職員負責升旗，又建議今日打去寫字樓問吓，真係斷估冇痛苦，唔怪得主席劉皇發話年初二為港求得嘅下籤都係好籤喇！