SUN世代：熱誠主動無架子

「我真係無睇錯人﹗」十二年前，副總裁John負責面試吳愷樺，最後決定聘請她。「呢行喺香港都幾冷門，唔係好多人肯入行。」當年的面試細節已模糊，但這些年來，他見證着她的進步、蛻變，坦言「請啱咗人」，「我喺呢行做咗二十幾年，見過唔少同行，好似佢對工作咁熱誠、主動，真係好難得，佢係一個好成功嘅例子。」

他又說，吳愷樺為人親切，善於與人溝通，是公司與醫生間的最好橋樑。「我哋面對嘅客人都係醫生，佢哋係學術界嘅尖端分子，唔係個個都同佢哋溝通得到，尤其係外行人，但佢就做得到，而且做得好好。」縱然現時她成為管理層，仍全無上司架子。訪問當日，記者見她與同事正在開會，席間笑聲不斷。相信她能擁有今天成就，正因這種難能可貴的親和力。