SUN搞作：蛇年當黑的請小心

蛇年到臨，《Sun搞作》特別為大家上觀天象下求土地，問得今年最當黑最運滯嘅四種生肖，呢四種生肖嘅朋友，小心鳥！

發夢熊

屬發夢熊嘅朋友，今年要小心唔好多多嘢講，口舌之禍可大可小！仲有吖，記得要帶眼識人，唔係好易畀人呃，一陣感情受創留下陰影就唔好啦！

孭鑊豬

屬孭鑊豬嘅朋友，其實不嬲都黑氣當頭o架啦！今年你哋都依然會係咁黑，每個禮拜都賴嘢，實行每周一鑊！吖，仲有，你哋可以嘅話，都係唔好唱歌嘞，因為呢個生肖嘅朋友，歌藝認真麻麻，愈唱，一定會愈黑o架！

卜楷蛇

屬蛇嘅朋友唔使驚，呢條係卜楷蛇，同普通蛇係唔同嘅，據講呢條蛇係由西方嘅一個落難爵士變成，貪得無厭最愛搞風搞雨。屬卜楷蛇嘅朋友，最緊要唔好咁貪心，朋友招待你去玩都唔好去吖！

少膽虫

屬少膽虫嘅朋友，今年最好唔好掂生意買賣，特別係公司賣盤就更加唔好嘞。重有呀，今年忌去台灣，慢吓手會畀人圍有血光之災o架！小心小心！