政壇：政商定格：胡幗英彈澳洲的士司機

社交界名人兼資深投資者胡幗英（Maria）與女兒感情要好，母女經常結伴旅遊，早前兩母女去咗澳洲悉尼玩，Maria曾經去過澳洲多次，但從未到當地名勝Blue Mountains，今次專登應女兒要求，跟團去參觀吓。

旅程中，導遊曾經問佢哋對澳洲嘅意見，兩母女異口同聲話當地嘅的士司機服務態度有待改善，原來佢有朋友喺當地試過遇上惡司機，佢哋兩個有一晚去歌劇院睇完《天鵝湖》，散場後遲遲都截唔到的士：「的士司機見到我哋係遊客，知道我哋返酒店，路程唔會遠，車行過唔會停，直至所有人走晒，我哋先截到車。」不過，此行都有開心事，因為可以近距離睇到電影《孤星淚》嘅兩位主角曉積文（Hugh Jackman）和羅素高爾（Russell Crowe）。