政壇：于燕平「太陽虹」爆貪曾秘聞

前特首曾蔭權爵士在任期間貪盡海陸空，佢呢種貪婪劣性，其實早在擔任財政司司長時已經街知巷聞。曾任貪曾財爺官邸御廚嘅于燕平師傅，雖然過去已多次揭露貪曾嘅縮骨孤寒秘聞，但貪曾嘅臭史又點只咁少吖，《太陽報》特別邀請于師傅助陣「太陽虹」，開設「熱廚房」專欄，繼續大爆貪曾一家縮骨孤寒、鮮為人知嘅瘀事，明日起與讀者見面，敬請留意！

入廚四十多年嘅于燕平師傅，自十八歲拿起鑊鏟，憑一雙神來之手煮出珍饈百味，贏盡達官貴人嘅稱讚。于師傅喺九十年代來港打工，九七年應徵做時任財爺嘅貪曾官邸家廚。于師傅以為從此有好日子過，可惜事與願違，到咗千禧年佢被提前終止合約，要打官司追討被拖欠補薪，而且冇人敢聘用佢，最終黯然離港返回內地謀生。直至貪曾落台，于師傅先至回港發展，不時對外揭露貪曾嘅醜行同惡行。