SUN世代：敢試敢做 子圓父夢

「阿爸做生意的，成日想我返去幫手，但我都係鍾意做設計。」Calvin中學時候已經開始創作，家人原以為他只是三分鐘熱度，但他愈做愈有興趣，畢業後更以設計為職業。除獲得家人支持外，更間接實現了父親的夢想。

Calvin的爸爸於美國讀大學，且對美術充滿興趣，曾修讀油畫藝術課程，但礙於生計，其父畢業後只好選擇從商；當初父親知道Calvin投身設計業時，心情十分矛盾：「阿爸有同我傾過，擔心我只係玩玩吓，成日問我會唔會返去跟佢做生意，但我堅持留低。」

Calvin表示，設計行業往往給人感覺不切實際，但其實是一般人的不了解：「好多人會覺得做設計師搵唔到食，搵錢比唔上醫生、律師；但創作係好有意義，可以令社會多啲色彩。」

當Calvin奪得設計大獎時，爸爸除感到欣慰外，更笑說Calvin間接替他實現了理想：「當初我唔敢試，你今日幫阿爸做到，阿爸以你為榮！」