SUN世代：設計小英雄繪畫新世界

「我希望這個世界會因為我變得有一點點不一樣。」這是視覺及平面設計師郭蔭宗（Calvin）的心聲。經過五年的努力，他由寂寂無聞走到今天贏得香港設計中心設計營商周頒發的「青年設計才俊大獎」，成為明日之星。他說每個人都有懶惰天性，但無礙他追尋理想的決心。在他身上設計猶如創造新生，充滿無限可能。

「我細細個就好鍾意睇卡通片，尤其是超人同聖鬥士星矢！」Calvin自小酷愛動畫中的英雄，連創作靈感也是來自科幻電影和動畫：「個個男仔都想做英雄拯救世界，我無咁勁，只係想做一個『小英雄』，希望用我嘅設計，去令世界變得有少少唔一樣。」雖然想做英雄，但人始終有惰性，所以Calvin於一○年成立設計公司時就以LAZEHERO（懶散的英雄）命名，提醒自己要擺脫惰性，追尋理想。

除了設計，他還要兼顧市場推廣：「搵客難，傾掂生意仲難。最難是游說個客接受將新嘅視覺元素融入設計，因為有時啲設計太新，未有參考數據，客戶比較難接受。」還好Calvin有插畫底，可以把視覺概念畫下來具體一點推銷給客戶：「有時有啲比較天馬行空嘅意念，用圖畫表達會比較清晰。」

不少人以為設計師工作很悠閒，其實Calvin除了設計，還要應付客人需求，幾乎沒有休息時間：「設計師唔係藝術家，唔可以無時限咁去做一件藝術品，每份工作都有『死線』，設計完可能要改，要同個客交代、向自己交代，仲要向市場交代，真係想偷吓懶都唔得。」Calvin曾經試過三日三夜不眠不休地工作，又試過一天之內設計三十款作品，壓力之大不足為外人道。

努力之餘，Calvin更希望客戶尊重他的設計：「設計師都要食飯，需作出妥協，要尊重客人意見，呢個係商業考慮；但佢搵得我設計，我都希望佢哋會尊重我嘅創作，至少保留一半係我嘅意念。」曾經有客戶從網上找來一張設計圖，要求他照抄，但他接受不到，寧願推掉工作：「個Job無咗唔緊要，但唔可以無咗設計師最基本嘅堅持。」憑着對理想的堅持，Calvin最近更獲香港設計中心頒發「青年設計才俊大獎」。看來這個「小英雄」，一點也不懶。

Calvin's Profile

學歷：理工大學多媒體及平面設計學士

現職：視覺及平面設計師

興趣：繪畫和跑步