SUN搞作：打橫嚟講：教協遭強國人入侵了！

呢幾日，在旺角街頭，見到一群群的手拉車「螞蟻兵團」，佢哋除咗到偽裝的藥房或超市掃奶粉之餘，已「轉營」狂擸金莎朱古力或藍罐曲奇餅，原來，係由「民生日用品」，轉戰「辦年貨」，因為，強國人除咗唔信「大陸貨」外，呢啲「港貨」在深圳售價可貴過香港六成以上，每盒可賺半百大元，怎教人唔發癲吖？尤以只懂向錢看的蝗民而言，有食唔食，罪大惡極也！

強國蝗民，大鬧藥房超市，早成常態，即使港人如何組團「光復」，也是得個桔，此乃多得香港特區政府廢柴弱智，就算出招，亦虧上腦，疲軟乏力，硬不起來，令蝗民有恃無恐，更肆無忌憚，繼續搵食，還遍地開花，由上水擴散到全港九百七十六平方公里，任何一角山旮旯！吹咩！

旺角西洋菜街與山東街交界，有一奇景，就係由朝到晚，總有兩條人龍，從大廈升降機口排到外出，如蛇打餅般盤繞阻街，兼騷擾地下商舖，成棟大廈都無時安寧。如斯神憎鬼厭，原因，在於九樓，有間由教協開辦的「超市」，好多糖果出售。呢間「超市」，貨架之間，路窄人多，加上年貨堆積，雜放橫陳，消防員又無來巡視，每日「成千上萬」的「客仔」出入，危險指數超標，我都唔明，一個標榜「教育」的團體，怎會變得如斯田地。我見教協的「客仔」，愈來愈無禮貌，愈來愈劣質，後來得悉，其中好多是「非教協」的會員，因教協為做生意，招攬其他工會Joint埋（唔知有無工聯會份呢？）垃雜街外人都可以掃貨。呢幾日，見大群大群兵團買金莎、藍罐，相信，教協賺不少了！咁好不務正業囉！見住政府咁樣無王管、無管理，任由強國人入侵，令我更加懷念華叔！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府