政壇：政商定格：袁彌明同型男食飯惹誤會

繼早前捲入男義工求愛不遂風波後，港姐出身嘅人民力量成員Erica袁彌明喺今個月十六號喺銅鑼灣同男伴食晚飯時又被記者撞到正，但兩人火速彈開，令人感覺佢哋關係非比尋常。之後有讀者爆料，話呢個高大威猛嘅四眼型男，係廉政公署執行處阿Sir，主要負責部門嘅電腦鑑證及資訊系統等工作，據聞呢位阿Sir已結咗婚！

佢哋張相見報後，廉署上下議論紛紛，記者致電Erica，佢就話no comment（無可奉告）！但佢身邊嘅朋友就叫大家千祈唔好誤會，皆因呢位四眼型男同Erica係同學，佢哋純粹喺好朋友，食餐飯啫，仲話鬼妹仔性格嘅Erica成日都會約朋友食飯，都唔理係男定女，希望大家唔好亂估喎，如果搞到人哋屋企人誤會，就唔係幾好啦！