政壇：搞搞政：波波含冤甩身眼濕濕

發展局局長陳茂波走入官場後一直是非不絕。去年十月，經常老作屈人嘅《蘋果日報》就報道佢涉嫌醉酒駕駛，事後陳茂波急急話配合警方調查。事隔三個多月，律政司前日決定毋須採取進一步行動。唔知係咪因為沉冤得雪，定係呢段時間壓力太大，陳茂波尋日出席一個電台節目後談及事件，鏡頭前一副眼濕濕、淚水幾乎奪眶而下嘅樣。

記者追問件事嗰陣，佢話：「我已經深切反省......會保持警惕，飲酒後唔應該揸車，以後會更小心。」記者追問陳茂波律政司係咪包庇？自己有冇錯？同埋會唔會道歉？佢就話冇補充。

不過，件事仲有另一睇法。有人發現尋日佢雙眼眼白帶黃、多血絲，擔心呢啲係肝病嘅先兆，或者唔使煩醉駕一事嘅波波應該檢查吓好啲。