政壇：邱詠筠埋首家業周圍飛

做名人第二代有唔少壓力，事業就係壓力來源之一。近年埋首家族酒店業務嘅邱詠筠（Winnie）前晚出席旗下集團贊助嘅音樂會時，就唔停嘴講工作，佢話近期工作忙碌：「一個月飛足三個星期，馬來西亞有新酒店開幕，農曆年都會好忙。」爸爸邱達昌都有出席活動，聽到個女話旗下股價勁升60%，忍唔住大讚：「我畀個女101分。」呢一晚佢嘅前男友都有出席音樂會，但Winnie就以準備演講為由避談舊愛。