City Parade：媽打娶新抱
2013年政界頭炮喜事，前民政事務局常秘媽打李麗娟娶新抱。佢公子劉堃迎娶美女律師蘇雯華，上周六喺會展筵開逾七十圍。媽打喺官場人緣佳，除達官貴人，多位鮮有露面嘅前高官紛紛到賀；一碰頭，傾到難捨難離，十足一場高官聯歡派對。另一邊廂，法國「麵包王子」將法式滋味帶到香江，喺尖沙咀開設首間旗艦店，自創獨特嘅發酵方法，將麵包的極致味道盡情展現。開幕禮上，香氣四溢，吸引城中名人體驗呢場麵包革命。
政界喜事：恨做老竇
新郎劉堃恨做老竇，承諾會與太太蘇雯華努力「造人」。
風采依然
婚宴上，一群前任女高官風采依然。左起韋玉儀、葉劉淑儀、俞宗怡、媽打李麗娟、關錫寧、任關佩英及李淑儀。只有葉劉淑儀當了議員仍身在政界。
好兄弟
與新郎相識多年嘅觀瀾湖太子爺朱鼎耀加入兄弟團，太太Carmen當然支持。
夠實際
家姐辦喜事，社交名人李桂蘭封現金做賀禮，夠實際。
賀新郎
玩具大王蔡志明太太蔡李惠莉（圖）嘅千金，與新郎哥係美國同學，呢晚當然要賞面到賀。
麵包過江龍：同鄉力撐
麵包王子Eric Kayser（右）做過江龍，法國駐港澳總領事柏雅諾（左）同太太（中）齊打氣。
齊齊試食
麵包飄香，西餅店老闆陳妙蘭（右）與港島婦女聯合會主席張雅麗齊來試食。
最愛天然
廖創興家族新抱廖周瑋瑩愛法式麵包夠天然健康。
溫馨麵包
太太愛上整麵包，東源大地物流公司老闆王嘉恩每朝有新鮮包早餐。