政壇：政商定格：國產手機打入荷里活

中國品牌喺國際獲得嘅認受性愈嚟愈高，TCL多媒體最近就同荷里活電影《鐵甲奇俠3》進行包括品牌植入、聯合推廣、創意元素授權等合作，而TCL全球最大嘅110吋四倍全高清3D液晶顯示屏，同埋TCL通訊全新嘅智能手機都會喺電影中露面添！TCL董事長李東生都話好重視同荷里活嘅合作。

其實TCL已經唔係第一次同荷里活電影合作，之前《變形金剛 3》、《復仇者聯盟》、《蝙蝠俠3：夜神起義》、《雲圖》等電影嘅聯合推廣都非常成功，打造國際化同年輕化嘅形象，擴大品牌國際影響力。

所以，依家電視機同智能手機已經唔係日本同南韓品牌嘅專利，國產品牌一樣可以走出中國，面向世界舞台。