政壇:政商定格:仁愛堂奧斯卡之夜籌款

仁愛堂日前舉行「奧斯卡之夜」慈善餐舞會,借頒獎表揚一班熱心公益嘅高層。會上仲有拍賣環節,靚紅酒、名貴腕錶同英國樂隊簽名紀念電結他等逐一登場,大家競投相當激烈,話咁易為旗下醫療基金籌得二百八十萬元善款。

當晚仁愛堂一班兄弟姊妹配合主題,化身西洋型男索女,副主席Connie陳鄭玉而同Clarea歐雪明心靈相通,齊齊做紅粉佳人。見Clarea手上藍寶石鑽錶閃閃生輝好養眼,原來係自家設計,再搵名牌廠商幫佢鑄造,全球只此一隻,佢話閒時仲喜歡設計戒指、耳環等首飾,咁有設計天分,唔知佢會否進軍珠寶生意呢?

另一位副主席史顏景蓮同做過主席嘅老公史立德、囝囝Kenneth齊現身,但愛女Kathleen身在內地工作未能出席。問佢兩夫婦都咁熱心做善事,係咪會拉埋仔女加入呢個大家庭?史太就話一對仔女仲考慮緊,事關有其他善團都邀請佢哋加入。

第一手消息請下載on.cc東方互動iPhone/iPad/Android/Windows Phone Apps

陳鄭玉而(左)同歐雪明(右)齊齊化身紅粉佳人。