政壇：政商定格：羅寶文搞卡通產業傳愛心

富豪集團太子女Poman羅寶文出晒名愛錫家中八隻愛犬，佢仲因此獲得靈感，將愛犬化身成卡通公仔Bodhi，投資七位數字創辦本地品牌，推出一系列益智讀物、動漫、教學遊戲同平板電腦等應用程式，向兒童灌輸正確價值觀，並捐出產品義賣畀慈善機構。

Poman忙於打理酒店生意之餘另闢商機，皆因佢明白卡通對兒童發展影響深遠，所以由此入手。佢笑言，最難係發展本地動漫，事關坊間不少動漫都充斥暴力血腥，意識比較負面，要喺呢個環境中創立富意義又有娛樂性嘅動漫並唔容易，所以佢凡事都親力親為，仲不時現身幕前，為品牌做生招牌。