架起眼鏡、西裝骨骨的Marvin說起公司業務時總是一板一眼,單憑外表,必以為他個性溫文沉靜。但原來工作以外,他的消閒嗜好全是刺激好玩之事,踢波、打鼓、電單車,無一是靜,「如果唔郁,我會病o架!」

習搖滾鼓已有六年,Marvin每星期都會練習,鼓技相當熟練。

Marvin媽媽也曾想過,把兒子栽培成琴棋書畫樣樣皆精的才子。「但我同佢都好快放棄,因為我性格非常好動,要我坐定定練琴,真係好難!」長大後,他卻對另一種樂器產生興趣,就是打鼓。

雖然工作早已佔去生活大部分時間,但他未有因此放棄打鼓。他每星期都會打鼓,習搖滾鼓至今已有六年,隨音樂節拍高低起跌,Marvin手拿鼓棍揮耍自如。「以前唔會鍾意聽heavy metal,嫌太嘈太亂,但原來聽住嚟打鼓,又幾好feel喎!」他練鼓時,最愛聽Gun N Roses和Metallica,音樂口味相當heavy。

第一手消息請下載on.cc東方互動iPhone/iPad/Android/Windows Phone Apps