今日，是梁振英上任香港最高層職位後的第一次宣讀《施政報告》，唔知佢又會講乜，令今日的香港人帶來期望？

今日之前，梁政府四出放風，由一批無甚社會地位，或有說服力的粉絲，周圍唱，話梁振英唔會派錢，講到真的一樣，咁做唔知係幫定係害呢？

上一屆卜楷貪曾都狂派「現金」，每人六雞嘢，如果梁振英要派錢，今時今日通脹厲害，連澳門也派八千時，要派錢，實在是十分大的難題。所以，有人放風，唔派錢，確係「好正常」，但係，貪曾派開咗個頭，若梁先生無水分，又會叫人不滿喎！真唔知點搞！

梁先生是個絕頂的聰明人，連呢個職位都扼得住、坐得到，又點會應酬唔到香港小市民的催索吖？我諗，佢除咗話房屋政策有利群眾之外，多數會喺差餉、公屋免租、交通津貼裏落吓藥，總會有啲小福利、小甜頭讓民憤降溫嘅。

以前的特首寫《施政報告》，會先訂下「治港方略」，再掟去畀公務員各級首長參詳兼補飛，匯報同徵集各方意見，確立執行細則及實施制度後，才寫落《報告》裏發表。今次，卻由梁粉親信，那毫無經驗的邵善波「起草」，出來的效果係點呢？真好想知囉！

Anyway，不管是誰撰寫《報告》（有傳聞由林鄭和曾俊華幫拖），總之，對香港好，而又講得出要做得到的，便是了！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps